एनआरएनको आइपीओमा पहिलो दिनमै आवेदन दिनेको ओइरो - E-BreakingNews

एनआरएनको आइपीओमा पहिलो दिनमै आवेदन दिनेको ओइरो

Share This
एनआरएनको आइपीओमा पहिलो दिनमै आवेदन दिनेको ओइरो

एनआरएन इन्फ्रास्टक्चर एन्ड डेभलपमेन्ट लिमिटेडको आइपीओमा बिक्री खुला गरेको पहिलो दिनमा २३ करोड ८१ लाख ३८ हजार रुपैयाँ बराबरको आवेदन परेको छ । बिक्री प्रबन्धक सानिमा क्यापिटलका अनुसार साँझ ४.३० बजेसम्ममा ५० हजार १७३ जनाले २३ लाख ८१ हजार ३८० कित्ताका लागि आवेदन दिएका छन् । 

लगानीकर्ताले यो सेयरमा साउन २१ गतेसम्म आवेदन दिन सक्नेछन् । त्यस समयभित्र सबै सेयर बिक्री नभएमा भदौ ३ गतेसम्म आवेदन दिन सकिनेछ । यसमा न्यूनतम १० कित्ता देखि अधिकतम ३१ लाख ६० हजार १८० कित्तासम्म आवेदन दिन सकिनेछ ।

एनआरएन इन्फ्रस्टक्चरले शुक्रबार (साउन १६ गते) बाट १०० रुपैयाँ अंकित मूल्यमा ३३ लाख ९८ हजार ४६ कित्ता सेयर निष्कासन गरेको हो । ३१ लाख ६० हजार १८३ कित्तामा भने सर्वसाधारणले आवेदन दिन सक्नेछन् । यसमा निष्कासन तथा बिक्री प्रबन्धकको काम सानिमा क्यापिटलले गरेको छ । 

एनआरएन इन्फ्रास्टक्चर एण्ड डेभलपमेन्ट लिमिटेड गैर आवसिय नेपालीहरुको लगानीमा २०१२ सालमा स्थापना भएको संस्था हो । यो हाइड्रो पावर कम्पनी होइन् । पछिल्लो समय बजारमा हाइड्रोप्रति जुन अफवाह फैलिएका छन् त्यसलाई लगानीकर्ताले कम्पनीको आय व्याय, वित्तिय विरण हेरेर मुल्याङकन गर्नुपर्छ । 

यसको उद्देश्य भनेको विदेशमा भएका पैसा र सीपलाई उपयोग गरी नेपलाको विकास गर्नु हो । २०१२ सालमा देशमा चरम लोडसेडिङ हुँदा राज्यको आवश्यकता हाइड्रो भएको र प्रतिफल पनि राम्रो हुने भएकाले त्यतिखेरदेखि यो क्षेत्रमा लगानी गर्नुपर्छ भनेर अगाडि बढेका हो । 

एनआरएन इन्फ्रास्टक्चर एण्ड डेभलपमेन्ट लिमिटेड आफैमा युनिक कम्पनी हो । हामी लगानीलाई विविधिकरण गर्ने भएको हुँदा यसको विशेष किसिमको विशेषता छ । यो नेचरको कम्पनी भनेको डिफ्रेन्स बास्केटमा लगानी गर्ने र डिफ्रेन्स हिसावले आम्दानी गर्ने पोर्टफोलियो सवै भन्दा राम्रो हो । आरएन इन्फ्रास्टक्चर एण्ड डेभलपमेन्ट लिमिटेड उत्कृष्ट कम्पनी हो । त्यसैले ढुक्क भएर लगानी गर्नुहास्, प्रतिफल हामी दिन्छौँ ।

No comments:

Post a Comment